Search

Gov. Vilma Santos, kinoronahan bilang The Queen of Batangas ng Muslim Community

Posted by: Maricris Valdez Nicasio on September 29, 2015 in Showbiz Leave a comment


https://www.hatawtabloid.com/

TUWANG-TUWA at excited si Gov. Vilma Santos sa pagtanggap ng natatanging parangal na ibinigay ng Muslim Community sa kanya kamakailan. Ito ay ang pagkakatanghal sa kanya bilang Queen of the Province, Holder of Authority (Baealabi A Gausa Sa Batangas) noong Sabado, Setyembre 26, sa Lima Park Hotel sa Malvar/Lipa City Batangas. Mismong ang Royal Highness Sultan Paramount Faizal Coyogan Benaning Bansao ng Royal Houses ng Sultanate of Batangas ang nagkorona at nag-confer ng titulo kay Gov. Santos sa isang Royal Enthronment Ceremony. Mahigit 3,000 Muslim brothers at leaders ang sumaksi sa seremonyas na  hindi lang galing sa Batangas kundi sa ibang bansa rin gaya ng Brunei at Malaysia. Proud at dama ang excitement sa gobernadora na dumalo sa event habang suot ang isang Muslim costume. “Malaking karangalan para sa akin dahil kasama ko ang mga kapatid natin na Muslim para matupad ang maayos na programa sa Batangas mula pa ng Mayor ako. Salamat kay Sultan Paramount Faizal Coyogan Cocoy Bansao. Mabuhay po kayo! Muli, sa pangalan ng mga Batangeno at sa Mayor ng Lipa. Maraming Salamat po sa Karangalan!” ani Gov. Vilma bilang pasasalamat. Sa kabilang banda, sinabi ni Gov. Vilma sa mga nagmamahal sa kanya na labas na ang cover niya kasama ang mga anak na sina Luis Manzano at Ryan Christian Recto sa October issue ng Yes! magazine. Sa same month na nakatakdang ipalabas ang bago niyang movie mula sa Star Cinema na kasama sina Angel Locsin atXian Lim. SHOWBIZ KONEK – Maricris Valdez Nicasio


Article Source: https://www.hatawtabloid.com/2015/09/29/gov-vilma-santos-kinoronahan-bilang-the-queen-of-batangas-ng-muslim-community/

4 views0 comments